Shymkentte batyr analarǵa 5 AEK mólsherinde aqsha tólenedi

ShYMKENT. KAZINFORM — 8 naýryz merekesine oraı bir rettik áleýmettik tólem beriledi.

Shymkent qalasy máslıhatynyń sheshimine sáıkes, 8 naýryz — Halyqaralyq áıelder kúnine oraı «Altyn» jáne «Kúmis» alqa ıegerleri, «Batyr ana» ataǵyn alǵan, І jáne ІІ dárejeli «Ana dańqy» ordenderimen nagradtalǵan analarǵa 5 AEK mólsherinde bir rettik áleýmettik tólem jasalady.

Bir rettik áleýmettik tólem úshin kópbalaly analardyń tizimi «Azamttarǵa arnalǵan úkimet» Memlekettik korportsııasy KEAQ bazasynan alynady.

2025 jyldyń 1 aqpandaǵy málimet boıynsha Shymkent qalasynda kópbalaly analar sany — 67 741 quraǵan. Onyń ishinde «Altyn alqa», «Kúmis alqa» belgilerimen marapattalǵandar sany — 13 805. Kóp balaly, ıaǵnı 4-5 balasy bar analar sany 53 936.

Aıta keteıik, budan buryn Shymkenttikter sábıge qandaı esimderdi kóp qoıatynyn jazǵan bolatynbyz.