Shymkentte basqarma bastyǵy seısmıkalyq qaýipsizdikke bólingen 120 mln teńgeni jymqyrdy dep aıyptalyp otyr
Shymkent qalasy turǵyn úı basqarmasynyń basshysy qalanyń seısmıkalyq qaýipsizdigin qamtamasyz etýge bólingen bıýdjet qarajatyn jymqyrdy degen kúdikke ilindi.
Memleket basshysynyń tapsyrmasyn oryndaý barysynda Sybaılas jemqorlyqqa qarsy qyzmet seısmıkalyq qaýipsizdik, tabıǵı jáne tehnogendik sıpattaǵy basqa da tótenshe jaǵdaılar salasynda tekserý júrgizip jatyr.
Osyndaı tekserýdiń nátıjesinde Shymkent qalasy boıynsha sybaılas jemqorlyqqa qarsy is-qımyl departamenti Shymkent qalasy turǵyn úı basqarmasy basshysynyń m. a. qatysty sotqa deıingi tergeýdi bastady.
Ol qalanyń 216 turǵyn úıiniń seısmıkalyq turaqtylyǵyn tehnologııalyq tekserý jumysyn oryndaýǵa bólingen asa iri mólsherdegi qarjyny bir top adammen aldyn ala sóz baılasý arqyly jymqyrdy dep aıyptalyp otyr.
Zalaldyń aldyn ala somasy — 120 mln teńge.
Qatar júrgen qarjylyq tergeý barysynda sheneýniktiń anasyna resimdelgen Túrkistan oblysy Qazyǵurt aýylynda monsha keshenin salý arqyly jymqyrylǵan qarajatty zańdastyrdy degen nusqa tekseriledi.
Qazirgi ýaqytta ol Shymkent qalasy polıtsııasynyń ýaqytsha ızolıatoryna qamaýǵa alyndy.
Tergeý jalǵasyp jatyr.
Qylmystyq-protsestik kodeksiniń 201-babyna sáıkes ózge aqparat jarııalanbaıdy.
