Shymkentte balaly kelinshek telefonyn ala qashqan uryny uryp jyqty
Shymkent polıtsııasy balaly áıeldiń telefonyn urlamaq bolǵan er adamdy izdestirip jatyr, dep habarlaıdy Kazinform.
Telefon urlamaq bolǵan er adam men balaly áıeldiń tóbelesken sáti kóshedegi beınebaqylaý kamerasyna túsip qalǵan.
Keıin ol vıdeo áleýmettik jelide tarap ketti.
Oqıǵa 16-móltekaýdandaǵy kópqabatty turǵyn úılerdiń aýlasynda bolǵan.
Kelinshek balasyna qarap turǵan sátte kúdikti kelip, shalbarynyń artqy qaltasyndaǵy telefonyn ala qashqan.
Artynan qýyp jetken kelinshek uryny tartyp qulatyp, telefonyn qaıtyp alady. Sol sátte kóshede turǵan kórshiler de kómekke kelgen.
Jábirlenýshi polıtsııaǵa aryz tastamaǵan.
Degenmen shymkenttik tártip saqshylary atalǵan oqıǵadaǵy kúdiktini izdestirip jatyr.
«Vıdeoda kórsetilgen oqıǵa 24 qazan kúni 16:30 shamasynda Shymkent qalasynda bolǵan. Atalǵan fakti ál-Farabı aýdandyq polıtsııa bóliminde Qylmystyq kodekstiń 24-babynyń 3-bóligi, 191-babynyń 2-bóligi boıynsha tirkeldi. Bul fakti boıynsha quqyq qorǵaý organdaryna eshkim jazbasha aryz bergen joq. Qazirgi ýaqytta kúdiktiniń jeke basyn anyqtaý boıynsha jedel izdestirý sharalary júrgizilip jatyr» delingen Shymkent qalasy polıtsııa departamentiniń baspasóz qyzmeti taratqan aqparatta.
Posmotret etý pýblıkatsııý v Instagram
