Shymkentte balalaryn aıaýsyz azaptaǵan áıelge sot úkimi shyqty
ShYMKENT. KAZINFORM – Shymkent qalasynyń qylmystyq ister jónindegi aýdanaralyq soty óz balalaryn aıaýsyz qorlady dep aıyptalǵan Gúlmıra Ergeshovaǵa qatysty úkim shyǵardy. Sot ony 5 jyl 3 aı merzimge bas bostandyǵynan aıyrdy.
Sotta anyqtalǵandaı, 30 jastaǵy Gúlmıra Ergeshova balalaryn udaıy uryp-soǵyp, olarǵa fızıkalyq ári psıhologııalyq zorlyq kórsetken.
Іs materıaldaryna sáıkes, aıyptalýshy kámeletke tolmaǵan balalaryn jazalaýdyń asa qatygez tásilderin qoldanǵan. Atap aıtqanda, týǵan ulyn uryp-soǵyp, dene jaraqattaryn salǵan, keıin shanyshqyny qyzdyryp, onyń aýzyn kúıdirip, azaptaǵan.
– Sonymen qatar qyzdyrylǵan útikpen ulynyń betin, qyzynyń ishin kúıdirgen. Olardy ózenge aparyp, muzdaı sýǵa sekirýge májbúrlep, tunshyqtyrǵan. Balalardyń shashyn taqyrlap alyp, psıhologııalyq zııan keltirgen, – delingen qalalyq sottyń habarlamasynda.
Úkim shyǵarý kezinde sottalýshy óziniń qatigez áreketin enesimen jáne jubaıymen jyldar boıy jalǵasqan janjaldarmen baılanystyrdy. Áıeldiń aıtýynsha, otbasy balalarǵa rásimdelgen memlekettik járdemaqy esebinen ǵana kún kórgen.
Sottalǵan áıel balalardy shetelde jumys istep júrgen kúıeýine jáne enesine qaıtarmaýdy surady. Sondaı-aq ol balalardyń memleket qamqorlyǵynda qalýyn ótindi.
Sot Gúlmıra Ergeshovany kináli dep tanyp, 5 jyl 3 aı merzimge bas bostandyǵynan aıyrdy.
Budan buryn Shymkentte sot balalaryna qatygezdik kórsetken áıeldi ana quqyǵynan shektegenin jazǵan edik.
