Shymkentte balalardy úıirmesiz qaldyrǵan eki basqarmanyń burynǵy basshylary jaýapqa tartyldy
ShYMKENT. KAZINFORM — Shymkentte sport jáne mádenıet basqarmalarynyń eks-basshylary ákimshilik jaýapqa tartyldy.
Prokýrorlar DamuBala baǵdarlamasyna bólingen bıýdjet qarajatyn josparlaý kezinde kásipkerlerge kedergi keltiretin, sondaı-aq kámeletke tolmaǵandardy tegin shyǵarmashylyq úıirmeler men sport sektsııalaryna qatystyra almaý faktilerin anyqtaǵan.
Prokýrorlyq qadaǵalaý aktisinen keıin 111 kásipker men bir ınvestor ótken jyldyń tamyz aıynan bastap damubala.kz platformasynda buryn kezekte turǵan 4 276 balaǵa qyzmet kórsete bastaǵan.
Sonymen qatar bıyl sáýir aıynan bastap 125 kásipker qyzmet kórsetý úshin shyǵarmashylyq úıirmege qatysýǵa damubala.kz platformasyna 5 000 balany kezekke qoıýǵa múmkindik berildi.
«Sport jáne mádenıet basqarmalarynyń burynǵy basshylary Ákimshilik quqyq buzýshylyq týraly kodekstiń 234-1-baby 2-bóligimen jaýapqa tartyldy. Nátıjesinde 369 200 teńge kóleminde aıyppul tólenip, olar tártiptik jazaǵa tartyldy» dep málimdedi qalalyq prokýratýra.