Shymkentte bala 12 metrlik qudyqqa qulap ketken
ASTANA. KAZINFORM – Shymkent qalasynda qutqarýshylar tereńdigi shamamen 12 metr bolatyn qudyqqa qulap ketken balany aman alyp shyqty, dep habarlaıdy TJM.
Oqıǵa jeke turǵyn úı aýmaǵynda bolǵan. 2012 jyly týǵan bala abaısyzda sýy joq tereń qudyqqa qulap ketken.
Oqıǵa ornyna jedel jetken Tótenshe jaǵdaılar mınıstrliginiń qyzmetkerleri arnaıy jabdyqtardyń kómegimen qutqarý operatsııasyn júrgizdi. Nátıjesinde bala qudyqtan shyǵarylyp, jedel járdem brıgadasyna tapsyryldy.
TJM ata-analardy balalardy qaraýsyz qaldyrmaýǵa jáne olardyń qaýipsizdigine erekshe kóńil bólýge shaqyrdy.
Vedomstvo ókilderi ashyq qudyqtar, lıýkter jáne basqa da qaýipti nysandardyń mańynda saq bolý qajettigin eske saldy.
Aıta keteıik, Shymkentte oqýshy avtobýstaǵy qaýipti áreketin vıdeoǵa túsirgen.
