Shymkentte azamattyq nekedegi áıeliniń jaǵyn syndyrǵan azamat sottaldy

ShYMKENT. KAZINFORM — Shymkent qalasynyń qylmystyq ister jónindegi aýdanaralyq sotynda sottalýshy O.-ǵa qatysty qylmystyq is qaraldy. Sottalýshy O. Qylmystyq kodekstiń 107-babynyń 1-bóligimen (densaýlyqqa aýyrlyǵy ortasha zııan keltirgen) aıyptalǵan.

Qalalyq sottyń málimetinshe, O. ótken jylǵy 1 mamyrda keshki ýaqytta Shymkent qalasy, Jańatalap shaǵynaýdanynda ornalasqan úıde óziniń azamattyq nekedegi jubaıy jábirlenýshi S.-men janjaldasý kezinde onyń betinen birneshe ret uryp, jaǵyn syndyrǵan. Sonyń saldarynan jábirlenýshiniń densaýlyǵyna ortasha zııan keltirgen. Sottalýshynyń kinási is boıynsha jınaqtalǵan qujattarmen dáleldendi.

— Prokýror sottalýshyǵa 1 jyl bas bostandyǵynan aıyrý jazasyn taǵaıyndaýdy surady. Jábirlenýshi sottalýshyǵa bas bostandyǵynan aıyrý jazasyn taǵaıyndaýdy jáne azamattyq talap aryzdy qanaǵattandyrýdy surady. Sottalýshy kinásin ishinara moıyndap, ózin aqtaýdy surady. Sot sottalýshynyń qylmystyq jaýapkershilikti jeńildetetin mán-jaılar retinde kinásin ishinara moıyndaǵanyn eskerdi, al aýyrlatatyn mán-jaı anyqtalmady. Sot, O.-ny QK-niń 107-babynyń 3-bóligimen kináli dep tanyp, oǵan 1 jyl merzimge bas bostandyǵynan aıyrý jazasyn taǵaıyndady, — delingen sottyń habarlamasynda.

Azamattyq talap aryz ishinara qanaǵattandyryldy. Úkim zańdy kúshine enbedi.

Budan buryn Shymkentte asa iri kólemde esirtki tasymaldaǵan almatylyq turǵyn ustalǵanyn jazǵan edik.