Shymkentte áıeldiń jasóspirimge kúsh qoldanǵany týraly vıdeo tarady
ShYMKENT. KAZINFORM — Shymkentte áıeldiń jasóspirimdi qylqyndyryp, onyń moınynda qolynyń izderi qalǵany túsirilgen beınejazba áleýmettik jelide jarııalandy.
Jazba avtorynyń aıtýynsha, kúsh qoldanǵan áıel muǵalim bolýy múmkin. Sondaı-aq onyń málimetinshe, oqıǵaǵa baılanysty polıtsııaǵa júgingenimen, quqyq buzý belgileri anyqtalmaǵany týraly qorytyndy shyǵarylǵan.
Oqıǵaǵa qatysty Shymkent qalasynyń polıtsııa departamenti túsinik berdi.
Vedomstvo málimetinshe, 6 qyrkúıekte Shymkent turǵyny kámeletke tolmaǵan ulyna dene jaraqatyn salý faktisi boıynsha polıtsııaǵa aryzdanǵan.
— Anyqtalǵandaı, qaladaǵy medıtsınalyq zerthanalardyń birinde jasóspirim men áıel arasynda janjal týyndap, áıel jasóspirimge kúsh qoldanǵan. Atalǵan fakti boıynsha qylmystyq is qozǵaldy, — delingen polıtsııa habarlamasynda.
Polıtsııa quqyq buzýshylyq belgileri anyqtalmaǵany jáne azamattyń ótinishi qaraýsyz qalǵany týraly áleýmettik jelide taraǵan aqparattyń shyndyqqa sáıkes kelmeıtinin naqtylady. Sondaı-aq qylmystyq is materıaldary 21 qyrkúıekte sotqa joldanǵanyn málimdedi.
Buǵan deıin Shymkentte áıeline kúsh qoldanǵan er adamnyń ustalǵanyn habarlaǵan edik.
