Shymkentte áıel pyshaq jaraqatynan qaza tapty

ShYMKENT. KAZINFORM – Shymkent qalasynda áıel jol boıynda pyshaq jaraqatynan qaza tapty. Atalǵan derek boıynsha qylmystyq is qozǵaldy.

Aldyn ala málimetke sáıkes, kúdikti jábirlenýshige ózara jeke bas arazdyǵy negizinde pyshaq jaraqattaryn salǵan. Áıel alǵan jaraqattarynan oqıǵa ornynda kóz jumdy.

Oqıǵa týraly polıtsııaǵa kýágerler habarlaǵan.

- Jedel-izdestirý is-sharalary barysynda polıtseıler kúdiktini izin sýytpaı anyqtap, ustady. Ustaý kezinde qarýly kúdikti qarsylyq kórsetken. Osyǵan baılanysty qoldanystaǵy zańnama talaptaryna sáıkes polıtsııa qyzmetkerleri tabeldik qarýdy qoldanýǵa májbúr bolǵan, - dep jazdy jergilikti PD.

Kúdikti medıtsınalyq mekemege jetkizilip, qazirgi ýaqytta polıtsııanyń kúzetinde.

Qazir oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilip jatyr.

Aıta keteıik, Shymkentte boıjetkenniń óliminen keıin polıtsııa qyzmetkerlerine qatysty is qozǵaldy.