Shymkentte avtobýs júrgizýshisi jeńil kólikti qasaqana qaqty
ShYMKENT. KAZINFORM – A.Baıtursynov kóshesindegi «Sport» aıaldamasyna jaqyn mańda №17 baǵyttaǵy avtobýs jeńil kólikti qaqty.
Áleýmettik jelide avtobýs pen jeńil avtokólik júrgizýshileri arasyndaǵy kıkiljińge qatysty beınejazba tarady. Onda qoǵamdyq kóliktiń júrgizýshisi aldynda turǵan jeńil kólikti soǵyp, ornynan yǵystyrǵany kórinedi.
Qalalyq jolaýshylar kóligi jáne avtomobıl joldary basqarmasynyń málimetinshe, atalǵan fakt negizinde ÁQBK 610-babyna sáıkes jol qozǵalysy erejesin buzýdyń materıaldyq shyǵynǵa ákep soqqan jaǵdaılary boıynsha ákimshilik is qozǵaldy.
– Jol-kólik oqıǵasyna qatysty qyzmettik tekserý júrgizildi. Tekserý nátıjesinde avtobýs júrgizýshisiniń jol qozǵalysy qaǵıdalarynyń talaptaryn buzǵany anyqtaldy. Tártiptik is júrgizý qorytyndysy boıynsha júrgizýshimen kelisimshart buzylyp, eńbek qatynastary toqtatyldy, – delingen vedomstvo usynǵan aqparatta.
Budan buryn Shymkentte avtobýs júrgizýshisin urǵan jasóspirimge qatysty qylmystyq is toqtatylǵanyn jazǵan edik.