Shymkentte aýaǵa oq atqan adam qamaýǵa alyndy
ShYMKENT. KAZINFORM – Shymkentte qoǵamdyq tártipti buzyp, aýaǵa oq atqan azamat jaýapqa tartyldy.
Shymkentte Jaılaý shaǵynaýdanynda Toyota avtokóliginde bolǵan belgisiz tulǵalardyń aýaǵa oq atqany týraly polıtsııaǵa habarlama túsken.
Oqıǵa ornyna jedel jetken polıtsııa qyzmetkerleri júrgizgen tekserý nátıjesinde quqyq buzýshynyń jeke basyn anyqtady.
– Qoǵamdyq tártip pen zańnama talaptaryn buzý deregi boıynsha azamatqa ákimshilik materıaldar toltyrylyp, is mamandandyrylǵan ákimshilik quqyq buzýshylyqtar jónindegi sotqa joldandy, – dep habarlady Shymkent qalalyq Polıtsııa departamenti.
Sot sheshimimen quqyq buzǵan azamat ákimshilik jaýapkershilikke tartylyp, oǵan aıyppul salyndy. Sonymen qatar 8 táýlikke ákimshilik qamaýǵa alý jazasy taǵaıyndaldy.
Buǵan deıin 20-dan astam strımer zańsyz kontent taratqany úshin jaýapqa tartylǵany týraly habarlaǵan edik.
