Shymkentte aspazdar palaý daıyndaýdan saıysqa tústi
Shymkentte aspazdar 40 túrli palaý daıyndady, dep habarlaıdy Kazinform.
Shymkentte «Dostyq dastarhany – Shymkent palaýy» halyqaralyq festıvali ótti. Qazaqstan ózbekteri etnomádenı birlestikteriniń «Dýstlık» qaýymdastyǵy men Shymkent qalalyq ózbek etnomádenı birlestigi birlese uıymdastyrǵan is-sharaǵa 40 astam aspaz qatysty.
Festıvalge kórshiles Qyrǵyzstan, Ózbekstan Respýblıkasynan, Almaty, Shymkent, Taraz qalalary men Túrkistan oblysynyń aspazdary kelip, palaýdyń túr-túrin daıyndap, jınalǵan kópshilikke usyndy. «Meıirim» qoǵamdyq qory balalar úıiniń tárbıelenýshileri men az qamtylǵan otbasylarǵa 100 keli palaý taratty.
Qazylar alqasynyń sheshimimen as mázirin daıyndaýda úzdik dep tanylǵan aspazdar arnaıy júldege ıe boldy.
Aıta ketý kerek, bul festıval 2010 jyldan beri «Dostyq dastarhany», «Qazaqstan palaýy» sııaqty taqyryptarda ótkizilip keldi. Іs-shara 2022 jyldan bastap «Shymkent palaýy» degen ataýmen uıymdastyrylyp keledi.
