Shymkentte sarbazdyń qaıtys bolýyna qatysty qylmystyq is qozǵaldy

ASTANA. KAZINFORM – Ulttyq ulannyń baspasóz qyzmeti Shymkentte 6506 áskerı bóliminiń merzimdi qyzmettegi sarbazdyń qaıtys bolý faktisine qatysty túsinikteme berdi.

Belgili bolǵandaı, onyń júregi kenetten toqtap qalǵan.

- Merzimdi qyzmetke Jambyl oblysynyń qorǵanys isteri jónindegi departamentinen shaqyrtylǵan (Taraz qalasy) áskerı qyzmetshi áskerge kelgen alǵashqy kúnderinen bastap birneshe ret medıtsınalyq qyzmetkerlerge júgingen. Esepte turǵan jáne Shymkent qalasynyń medıtsınalyq mekemelerinde tekserýden ótken. 2026 jylǵy 6 qańtarda merzimdi qyzmettegi áskerı qyzmetshiniń júregi kenetten toqtady. Júrgizilgen reanımatsııalyq is-sharalarǵa qaramastan, ol qalalyq aýrýhanada kóz jumdy. Aldyn ala dıagnoz — «jedel leıkoz», - delingen habarlamada.

Atalǵan fakt boıynsha áskerı-tergeý basqarmasy qylmystyq is qozǵady.

Jaǵdaı Qazaqstan Respýblıkasy Іshki ister mınıstriniń orynbasary – Ulttyq ulannyń Bas qolbasshysynyń jeke baqylaýynda.

Aıta keteıik, Mańǵystaý oblysynda 700-den astam sarbaz áskerı ant berdi.