Shymkentte áskerden qashpaq bolǵan jigit úshinshi qabattan sekirgen
ShYMKENT. KAZINFORM — Shymkentte áskerge shaqyrýǵa qatysty oqıǵa áleýmettik jelide keńinen tarady.
Jelide taraǵan aqparatqa qaraǵanda, áskerge shaqyrý kezinde polıtsııa qyzmetkerlerinen qashýǵa áreket jasaǵan azamat kompıýterlik klýbtyń úshinshi qabatynan sekirgen. Oqıǵa saldarynan ol aýyr jaraqattanyp, birneshe kún komada bolǵan.
Jaǵdaıǵa qatysty Shymkent polıtsııa departamenti túsinik berdi.
Vedomstvo málimetinshe, oqıǵa 2026 jylǵy 11 mamyrda qaladaǵy kompıýterlik klýbtardyń birinde bolǵan. Ǵımarattyń úshinshi qabatynan 24 jastaǵy jigit sekirip ketken.
— Qazirgi ýaqytta atalǵan derek boıynsha sotqa deıingi tergep-tekserý júrgizilip jatyr, — dep habarlady polıtsııa.
Sondaı-aq polıtsııa oqıǵanyń barlyq mán-jaıyn jan-jaqty, tolyq ári obektıvti anyqtaýǵa baǵyttalǵan qajetti tergeý áreketteri júrgizilip jatqanyn málimdedi.
Tergep-tekserý qorytyndysy boıynsha qoldanystaǵy zańnama talaptaryna sáıkes protsessýaldyq sheshim qabyldanady.
Buǵan deıin Shymkentten 1 200-den astam azamat áskerge shaqyrylatyny týraly jazǵan edik.
