Shymkentte ashyq aspan astyndaǵy muz aıdyndary ashylady
ShYMKENT. KAZINFORM — Ashyq aspan astyndaǵy birinshi muz aıdyny Muz saraıynyń mańynda, ekinshisi Arbat alleıasynda salynady. Joba jeke ınvestorlardyń qoldaýymen júzege asyrylady.
Qalada syrǵanaý alańdaryn ornatý jumystary bastaldy. Alǵashqy muz aıdyny Baıtursynov kóshesindegi «Muz Saraıy» ǵımaratynyń aldynda ornalasady. Ol 550 sharshy metrdi (uzyndyǵy 34 metr, eni 17 metr) qamtıdy. Onda aı saıyn 20-30 myń adam tegin konkı tebetin bolady.
Ekinshi muz aıdyny Arbat alleıasynda ashylady. Ol aıtarlyqtaı úlken, jalpy aýdany — 1830 sharshy metr (uzyndyǵy 150 metr jáne eni 12,5 metr). Bul alańǵa aıyna 50-60 myń adam keledi dep josparlanǵan.
Eki muz aıdyny da 400 kVt zamanaýı tońazytqysh qondyrǵylarmen jabdyqtalady. Bul ońtústiktiń qubylmaly aýa raıynda muz betin joǵary sapada saqtaýǵa kómektesedi.
— Jobanyń basty maqsaty — ár adamnyń belsendi qysqy demalysy úshin jaıly jáne qaýipsiz jaǵdaı jasaý. Biz shymkenttikter men qala qonaqtary sportpen shuǵyldanyp, bos ýaqytyn qyzyqty ótkizip, densaýlyqtaryn nyǵaıtqanyn qalaımyz, — delingen aqparatta.
Muz aıdyndary jeke ınvestıtsııa esebinen salynyp jatyr. Demeýshi kompanııalar konkı men jabdyqtardy jalǵa berý jáne ystyq sýsyndar sııaqty aqyly qyzmetterdi kórsetý arqyly shyǵyndardy ishinara óteıtin bolady.
Osyǵan deıin «Medeý» muz aıdynyn jańǵyrtý kezinde jańa jobalar júzege asyrylatyny týraly habarlaǵan bolatynbyz.