Shymkentte asa iri mólsherde jalǵan shot-faktýra jazǵan kompanııa dırektory sottaldy

ShYMKENT. KAZINFORM – Qala prokýratýrasy salyq zańnamasynyń saqtalýyna jáne kóleńkeli ekonomıkaǵa qarsy turý salasyndaǵy zańdylyqtyń jaǵdaıyna tekseris júrgizdi.  

Bas prokýratýranyń málimetinshe, tekseris nátıjesinde «A» JShS qurylys kompanııasy is júzinde jumystar oryndamaı, taýarlardy tıep - jóneltpeı jalǵan shot-faktýra jazǵan faktileri anyqtaldy. Sonymen qatar kompanııa jumysshylaryna zeınetaqy, áleýmettik jáne jeke tabys salyǵyn tólemegen. Nátıjesinde memleketke 640 mıllıon teńgege zalal keltirildi.

Qala prokýratýrasy osy fakti boıynsha Qazaqstan Respýblıkasy Qylmystyq kodeksiniń 216-babynyń 3-bóligine (asa iri mólsherdeis júzinde jumystar oryndalmaı, qyzmetter kórsetilmeı, taýarlar tıep-jóneltilmeı shot-faktýra jazý boıynsha áreketter jasaý) sáıkes sotqa deıingi tergep-tekserýdi bastap, isti sotqa joldady.

14.02.2025j. sot úkimimen «A» JShS-nyń dırektoryna 3 jyl merzimge bas bostandyǵynan aıyrý jazasy taǵaıyndaldy.

Shymkentte tegin kontsert uıymdastyrǵan saýda ortalyǵynyń basshylyǵy jaýapqa tartylǵanyn jazǵan bolatynbyz.