Shymkentte asa iri kólemde esirtki tasymaldaǵan almatylyq turǵyn ustaldy
ShYMKENT. KAZINFORM – Shymkent qalalyq polıtsııa departamentiniń esirtki qylmysyna qarsy is-qımyl basqarmasynyń jedel is-sharalary barysynda sıntetıkalyq esirtki zatyn tasymaldaǵan kúdikti qamaýǵa alyndy. Bul týraly qalalyq polıtsııa departamentiniń baspasóz qyzmeti habarlady.
Jedel is-sharalar barysynda Almaty qalasy turǵynynyń basqarýyndaǵy Hyundai Elantra markaly avtokóligi toqtatyldy.
— Tekserý barysynda avtokólik salonynan skotchpen oralǵan polıetılen paket tabylyp, tárkilendi. Onyń ishinde jalpy salmaǵy 1 keli psıhotroptyq zat bolǵan. Atalǵan zattyń Shymkent qalasy aýmaǵynda jasyryn oryndarǵa qoıý arqyly taratýǵa arnalǵany anyqtaldy, — delingen Shymkent qalasy polıtsııa departamenti taratqan aqparatta.
Atalǵan jaıt boıynsha qylmystyq is qozǵaldy, kúdikti qamaýǵa alyndy.
Budan buryn Shymkentte alkogol óndiretin jasyryn tseh anyqtalǵanyn jazǵan edik.