Shymkentte ár 15 mınýt saıyn 1 náreste jaryq dúnıe esigin ashady
ShYMKENT. KAZINFORM - «Shańyraq» kúnine oraı qaladaǵy perzenthanalarda jańa týǵan nárestelerdiń analaryna qurmet kórsetildi.
Merekelik is-sharaǵa qala ákiminiń orynbasary Sársen Quranbek, qalalyq densaýlyq saqtaý basqarmasynyń basshysy Nurlybek Asylbekov qatysyp, jańa bosanǵan analarǵa «Naýryz bazarlyq» estelik kádesyılaryn tabystady.
«Naýryzdy toılaý búgin Shańyraq kúnimen jalǵasyp jatyr. Shymkentte ár 15 mınýt saıyn bir sábı dúnıe esigin ashady. Mine, sonyń arqasynda bizdiń qalamyz elimizdiń damýyna erekshe úles qosyp otyr dep aıta alamyn. Memleket basshysy, úkimetimiz de halqmyzdyń sanynyń molaıýyna erekshe mán berip, qolaıly jaǵdaı jasap otyr», - deıdi Sársen Abaıuly.
Aıta keteıik, qazirgi tańda qala boıynsha 4 perzenthana jumys isteıdi. Qalada jyl basynan beri 4 911 sábı dúnıege keldi. Onyń 2 493-i ul bolsa, 2 418-i qyz.