Shymkentte aptap ystyq saldarynan elektr jelileri isten shyqty
ASTANA. KAZINFORM — Qalanyń birqatar shaǵyn aýdandarynda jaryq sónip, apatty jaǵdaı tirkeldi. Energetıkter tústen beri elektrmen jabdyqtaý júıesin qalpyna keltirý jumystaryn júrgizip jatyr, dep habarlaıdy Kazinform tilshisi.
«Ońtústik Jaryq Tranzıt» kompanııasynyń málimetinshe, aýa temperatýrasynyń kúrt joǵarylaýyna baılanysty elektr energııasyna suranys artqan. Bul óz kezeginde jelilerdiń shamadan tys júktelýine jáne jaryq berý júıesiniń isten shyǵýyna ákelgen.
Qazirgi ýaqytta jaryqsyz otyrǵan aýmaqtar qataryna Vostok shaǵyn aýdany, 112-shi kvartal, sondaı-aq Hamza, Gagarın, Alpysbaev, Sechenov, Ismaılov, Adyrbekov jáne Abaı kósheleri kiredi.
— «Ońtústik Jaryq Tranzıt» JShS apattyq brıgadasy tolyǵymen jumyldyrylyp, apat saldaryn joıý jáne elektrmen jabdyqtaý júıesin qalpyna keltirý jumystaryn atqaryp jatyr. Jaryqtyń qaıtadan óshpeýi úshin tıisti aldyn alý jumystary júrgiziledi. Túsinistik tanytqandaryńyz úshin alǵys bildiremiz, — dep habarlady kompanııanyń baspasóz qyzmeti.
Apattyq-qalpyna keltirý jumystary júrip jatqan ýaqytta kompanııa 24 shilde kúni saǵat 10:00-den 18:00-ge deıin josparly elektr óshirýler bolatynyn eskertti. Olar qalanyń tórt aýdanynda júzege asady:
Turan aýdany
-
Qazyǵurt shaǵyn aýdany: Aqjar-1 (27–35 úıler), Baıanaýyl (1–90), Qyzylqum (1–85), Tólebaev (1–90), Ǵabdýllın (1–90), Baqytty (1–70), S. Muqanov (18–82).
Abaı aýdany
-
Qaınarbulaq turǵyn alaby: Vıshnevaıa, Vıktorııa, Zelenaıa, Grýshevaıa, Sadovaıa, Abrıkosovaıa, Ortalyq, Medıkter, Mıchýrın, Fabrıchnaıa, Frýktovaıa, Klýbnıchnaıa, Energetıkter, Metallıster, Orehovaıa, Dachnaıa, Dostyq, ıÝjnaıa, Stepnaıa, Polevaıa, Stroıtelnaıa kósheleri.
-
Jańatalap shaǵyn aýdany: Qasqabulaq, Nursaıa, Abylaıhan, Esbol qajy, Ospanov, Manlaı ata, Jangeldi batyr kósheleri.
Qarataý aýdany
-
Tasken shaǵyn aýdany — Parmen kóshesi
-
Bozaryq shaǵyn aýdany — Báıdibek bı kóshesi
Ál-Farabı aýdany
-
Qabanbaı batyr kóshesi (11, 11a, 11b, 13, 13a),
-
Volodorskıı kóshesi (2, 2a, 2b, 2v),
-
Tekstılnaıa,
-
Rashıdov kóshesi (25, 27),
-
Artelnaıa (3, 3a, 3v, 12),
-
Ábdirazaqov kósheleri.
Sınoptıkter eskertý jasap, Shymkent pen Túrkistan oblysynda aptap ystyq saqtalatynyn aıtty.
— 24 shilde kúni Shymkent pen Túrkistanda kúndiz 40-42 gradýs qatty ystyq kútiledi. Oblystyń taýly asýlarynda soltústik-shyǵystan soǵatyn jeldiń jyldamdyǵy 20 m/s-qa deıin jetedi. Órt qaýpi joǵary deńgeıde saqtalady, — dedi «Qazgıdromet» mekemesiniń baspasóz hatshysy Arýjan Muratova.
Buǵan deıin aptap ystyq Shymkent - Taraz avtojolynyń jabynyn kóterip jibergeni anyqtaldy.