Shymkentte apat saldarynan birneshe shaǵynaýdanda jaryq pen gaz óship qaldy
ShYMKENT. KAZINFORM — Shymkentte elektr qosalqy stantsııasy men gaz qubyrynda bolǵan eki apat saldarynan qalanyń birqatar turǵyndary ýaqytsha jaryqsyz jáne gazsyz qaldy.
«Ońtústik Jaryq Tranzıt» JShS teńgerimindegi № 2 qosalqy stantsııada apat boldy. Saldarynan 11, 12, 15 jáne 16 shaǵynaýdandardyń bir bóligi, sondaı-aq Jeltoqsan, Álimbetov, Tórequlov, Saıram, Elshibek batyr, Mádeli Qoja, Túrkistan kósheleri men Táýke han dańǵylynyń jekelegen ýchaskeleri elektr qýatynsyz qaldy.
Qazir oqıǵa ornynda apattyq-qalpyna keltirý brıgadalary jumys istep jatyr. Apattyń sebebi anyqtalyp, qalpyna keltirý sharalary qolǵa alynǵan.
— Saǵat 20:36–dan bastap ajyratylǵan aýmaqtardaǵy tutynýshylardy elektrmen jabdyqtaý kezeń-kezeńimen qalpyna keltirilip jatyr. Elektr jelileriniń qaýipsiz jumysyn qamtamasyz etý maqsatynda tutynýshylar kezekpen qosylady, — dep habarlady «Ońtústik Jaryq Tranzıt» JShS.
Ekinshi apat BAM shaǵynaýdanyndaǵy Kóktas kóshesinde tirkeldi. Kósheni jaryqtandyrý baǵanalaryn ornatý kezinde jerasty gaz qubyry zaqymdanǵan.
Saldarynan jeke sektordaǵy 1 110 turǵyn úı, 30 páterli kópqabatty turǵyn úı, bir kásiporyn jáne 20 kommýnaldyq-turmystyq nysan ýaqytsha gazsyz qaldy.
— Apattyq brıgada oqıǵa ornyna jedel jetip, gazdyń shyǵýyn toqtatty. Qazirgi ýaqytta qalpyna keltirý jumystary jalǵasyp jatyr. Gaz ıisi sezilgen jaǵdaıda turǵyndar 104 nómirine dereý habarlasýy qajet, sonymen qatar gaz qurylǵylaryn qospaýǵa, ashyq ot qoldanbaýǵa, úı-jaıdy jeldetýge jáne resmı aqparatqa súıenýge shaqyramyz, — dep málimdedi Shymkent qalasynyń energetıka jáne ınfraqurylymdy damytý basqarmasy.
Budan buryn qatty jelden keıin Qyzylordanyń biraz bóligi jaryqsyz qalǵanyn jazǵan edik.
