Shymkentte alımentke 4,8 mln teńge bereshegi bar er adam sottaldy

ShYMKENT. KAZINFORM – Shymkent qalasynyń turǵyny alıment boıynsha 4,8 mln teńgeden astam bereshegi úshin qylmystyq jaýapkershilikke tartyldy.

Shymkent qalalyq sotynyń málimetinshe, qylmystyq is kámeletke tolmaǵandardyń isteri jónindegi mamandandyrylǵan aýdanaralyq sotynda qaraldy.

Sottalýshy T.-ǵa QK-niń 139-baby «balalaryn kútip-baǵýǵa arnalǵan qarajatty tóleý jónindegi mindetterdi oryndamaý, eńbekke qabiletsiz ata-analaryn, eńbekke qabiletsiz jubaıyn (zaıybyn) kútip-baǵýǵa arnalǵan qarajatty tóleýden jaltarý» boıynsha aıyp taǵyldy.

Alıment boıynsha bereshegin óteý týraly habarlanǵanyna qaramastan, sottalýshy 5 jyldan astam ýaqyt ishinde alıment tóleý mindetterin oryndamaǵan.

Saldarynan sottalýshynyń alıment boıynsha qaryzy 4 852 676 teńgege jetken.

– Sottalýshynyń kinási is-qujattarymen qosa óziniń bergen túsinigimen, jeke sot oryndaýshynyń usynysymen jáne taǵy basqa da is boıynsha jınaqtalǵan qujattarmen tolyq dáleldengen. Sot, T.-ny QK-niń 139-babymen kináli dep tanyp, oǵan 6 aıǵa bas bostandyǵynan aıyrý jazasyn taǵaıyndady, - delingen sottyń habarlamasynda.

Úkim zańdy kúshine enbedi.

Budan buryn Shymkent mańyndaǵy zaýytta qaza bolǵan eki adamnyń ólimine kináli kúdiktiler ustalǵanyn jazǵan edik.