Shymkentte alıment tóleýden jaltarǵan boryshkerler sottaldy
ShYMKENT. KAZINFORM – Jyl basynan sot úkimimen kámeletke tolmaǵan balalaryn asyraý úshin alıment tóleý mindetin oryndamaǵan 22 boryshker qylmystyq jazaǵa tartyldy. Bul týraly Shymkent qalasynyń prokýratýrasy málim etti.
Olardyń barlyǵy budan buryn ákimshilik jaýaptylyqqa tartylǵanyna qaramastan, sharasyzdyq tanytyp, halyqty jumyspen qamtý ortalyǵy usynǵan bos jumys oryndaryna ornalasýdan bas tartqan.
Sot boryshkerlerdi QK-niń 139-babymen kózdelgen qylmys jasaǵany úshin kináli dep tanyp, osy boıynsha olarǵa 1 jyl merzimge bas bostandyǵyn shekteý túrindegi jaza taǵaıyndaǵan.
«Aǵymdaǵy jyly alıment tólemegeni úshin 145 boryshker 5 kúnge deıin ákimshilik qamaqqa jáne 78 boryshker aıyppul tóleý týraly ákimshilik jaýaptylyqqa tartyldy. Sot oryndaýshylardyń boryshkerlerdi belsendi jaýaptylyqqa tartýyna prokýrorlyq aktilerdiń engizilýi óz úlesin qosýda. Jyl basynan alıment óndirý úshin zańda qarastyrylǵan atqarýshylyq áreketterin júzege asyrmaǵan 70 astam sot oryndaýshysy prokýrorlyq aktiler negizinde tártiptik jaýaptylyqqa tartylǵan», — delingen habarlamada.
Qala prokýratýrasy alıment tólemegeni úshin ákimshilik jáne 2 jylǵa deıin bas bostandyǵynan aıyrýǵa deıin qylmystyq jaýaptylyq qarastyrylǵanyn eskertedi.
