Shymkentte alıment tólemeı júrgen 7 boryshkerdiń kóligi aıypturaqqa qoıyldy
ShYMKENT. KAZINFORM — Shymkent qalasynda prokýratýra ýákiletti organdarmen birlesip, alıment óndirýge baǵyttalǵan reıdtik is-sharalar ótkizdi.
Shara barysynda jeke sot oryndaýshylarynyń qatysýymen boryshkerlerdiń atyna tirkelgen avtokólikter tekserildi.
— Prokýratýranyń tapsyrmasymen 36 alıment tólemeı júrgen tulǵanyń kóligine qatysty ustap, arnaıy turaqqa jetkizý týraly qaýly shyǵaryldy. Olardyń ishinen «Sergek-Qorǵaý» júıesi men Jedel basqarý ortalyǵynyń kómegimen anyqtalǵan 7 kólik aıypturaqqa jetkizildi, — delingen Shymkent qalasynyń prokýratýrasy habarlamasynda.
Bir kún ishinde júrgizilgen jumystyń nátıjesinde 4,7 mln teńge kóleminde alıment qaryzy óndirildi.
Aıta ketelik Atyraýda alıment tóleýden jaltarǵan toǵyz adam qylmystyq jaýapqa tartylǵan edi.