Shymkentte alıment tólemegen 119 adam ákimshilik jaýapkershilikke tartyldy
ShYMKENT. KAZINFORM – Shymkent qalasynyń prokýratýrasy kámeletke tolmaǵandardyń quqyqtaryn qorǵaýǵa baǵyttalǵan sot aktileriniń oryndalýyn baqylaý jumystarynyń nátıjesin jarııalady.
Prokýratýra málimetinshe, qabyldanǵan sharalardyń nátıjesinde 119 boryshker ákimshilik jaýapkershilikke tartylǵan.
Olardyń 81-ine ákimshilik qamaýǵa alý jazasy qoldanyldy.
Sonymen qatar balalardy asyraý mindetinen jaltarǵan azamattarǵa qatysty 29 sotqa deıingi tergep-tekserý bastalyp, onyń 22-si sotqa joldanǵan.
Qadaǵalaý organynyń málimetine sáıkes, júrgizilgen jumystar nátıjesinde 384 mln teńge kóleminde alıment óndirildi.
Shymkent qalasynyń prokýratýrasy kámeletke tolmaǵan balalardy kútip-baǵýǵa arnalǵan qarajatty tóleý mindetin oryndamaý qylmystyq jaýapkershilikke ákeletinin eskertti.
– QR Qylmystyq kodeksiniń 139-babyna sáıkes, alıment tóleýden jaltarǵany úshin 2 jylǵa deıin bas bostandyǵynan aıyrý jazasy kózdelgen, – delingen habarlamada.
Aıta keteıik, Almaty oblysynda alıment tóleýden jaltarǵan 95 adam qamaýǵa alyndy.
