Shymkentte alǵash ret «Street Food Fest» kóshe taǵamdary festıvali ótti
ShYMKENT. KAZINFORM - Atalǵan is-shara qalanyń úzdik kóshe taǵamdaryn nasıhattap, turǵyndar men qonaqtar úshin erekshe atmosfera usyndy. Festıval aıasynda aspazdardan sheberlik saǵattary, kontserttik baǵdarlama, kóshe bıleri, akrobatıkalyq qoıylymdar jáne qolónershiler aımaǵy uıymdastyryldy.
Festıvaldiń basty ereksheligi salmaǵy 67 keli tartatyn alyp býrgerdiń ázirlenýi boldy. Bul býrger «KINES» rekordtar kitabyna enip, elimizdegi «Eń úlken gambýrger» retinde resmı túrde tirkeldi. Bastama Shymkenttiń gastronomııalyq mádenıetin tanytýǵa, sondaı-aq qalanyń týrıstik áleýetin arttyrýǵa baǵyttaldy.
Sonymen qatar qalanyń tamaqtandyrý oryndary arasynda baıqaý ótkizilip, eń úzdik ortalyqtar anyqtaldy. Jeńimpazdardy arnaıy komıssııa músheleri baǵalap, úzdikter marapattaldy.
Alyp býrger «City» qonaqúıine tabystalyp, qala qonaqtary men týrısterge úlestirildi.
Іs-shara qalanyń kreatıvti ári qonaqjaı kelbetin kórsetip, jazdyń dámin birge sezinýge múmkindik berdi.
Aıta keteıik, Shymkentte bıznes granttardyń sany boıynsha qyzmet kórsetý salasy aldyńǵy orynǵa shyqty.