Shymkentte alǵash ret óte sırek kezdesetin kúrdeli ota sátti jasaldy

ShYMKENT. KAZINFORM –  Shymkent qalasyndaǵy №1 qalalyq klınıkalyq aýrýhanada búırek aýtotransplantatsııasy sátti júzege asyryldy. Bul týraly DSM baspasóz qyzmeti habarlady. 

Bul – naýqastyń óz búıregin alyp, qaıta qalpyna keltirip, óz aǵzasyna qaıta otyrǵyzý arqyly jasalatyn asa kúrdeli operatsııa.

1968 jyly týǵan naýqas sońǵy 5 jyl boıy arterııalyq gıpertenzııamen aýyrǵan. Sońǵy birneshe jylda qan qysymy únemi 250/140 jáne odan da joǵary bolyp, ómirine qaýip tóndirgen.

Mundaı jaǵdaıda kez kelgen ýaqytta mı qan tamyry jarylyp, ınsýlt alý qaýpi óte joǵary bolǵan.

2024 jyly naýqastyń qursaq aortasyna stent-graft ımplantatsııalanǵan.

Aýrýhanaǵa aýyr halde túsken naýqas tolyq tekserýden ótkizildi. Tekserý nátıjesinde sol jaq búırekke baratyn arterııanyń 99% tarylǵany anyqtaldy.

Aortada stent-graft ornatylǵandyqtan, dástúrli shýnttaý operatsııasyn jasaý múmkin bolmady. Osyǵan baılanysty naýqastyń sol búıregi alynyp, oń jaq myqyn arterııasyna qaıta tigilip ornalastyryldy.

Aıta ketelik MÁMS esebinen júrgiziletin eń kúrdeli ári qymbat TOP-10 operatsııa týraly jazǵan edik.