Shymkentte alǵash ret 2026 jyly stend atýdan lıtsenzııalyq álem kýbogi ótedi

ASTANA. KAZINFORM – Sporttyq atýdan Azııa konfederatsııasy (ACS) sporttyq nysandardyń tehnıkalyq daıyndyǵy men jabdyqtalý barysyn tekseý barysynda Qazaqstandaǵy eki atý nysanyn halyqaralyq talaptarǵa tolyq saı dep tanydy.

Atalǵan federatsııanyń baspasóz qyzmeti atap ótkendeı, Halyqaralyq atý sporty federatsııasy Shymkenttegi Shooting Plaza jáne Almatydaǵy Aleksandr Asanov atyndaǵy atqyshtar klýbynyń álemdik talaptarǵa 100 paıyz saı keletinin málimdedi. 

Sondaı-aq, kezdesý barysynda Sporttyq atýdan Azııa Konfederatsııasynyń prezıdenti Salman Sabah ál-Sálem ál-Homýd ál-Sabah Shymkenttegi atý kesheni 2026 jyly stend atýdan lıtsenzııalyq álem kýbogin qabyldaýǵa daıyn ekenin jetkizdi. Odan bólek, atalǵan keshende 2025 jylǵy Azııa birinshiligi uıymdastyrylady.

Mundaı iri kólemdegi sporttyq jarys Shymkentte alǵash ret ótkeli tur. 2025 jylǵy Azııa birinshiligine 2500–ge jýyq sportshy men resmı tulǵalar keledi dep kútiledi.  

2024 jyldyń qyrkúıeginde álem kýbogi kezeńi Almatyda ótkiziledi.