Shymkentte adam urlamaq bolǵandardyń áreketi vıdeoǵa túsip qaldy

ShYMKENT. KAZINFORM- Shymkentte adam urlaýǵa oqtalǵan eki kúdikti qamaýǵa alyndy.

Áleýmettik jelige jarııalanǵan vıdeodan 3 er adamnyń bir jigitti uryp, kóliktiń júk salǵyshyna salǵanyn kórýge bolady. Aınalada júrgen adamdar arasha túskenimen kúdiktiler kóligimen ketip qalǵan. Oqıǵany sol mańnan ótip bara jatqan turǵyn telefonyna túsirip alypty. 

Al, Shymkent qalasy polıtsııa departamentiniń baspasóz qyzmeti atalǵan oqıǵaǵa qatysty eki kúdikti ustalyp, qamaýǵa alynǵanyn málimdedi. 

— Áleýmettik jelide azamatqa qatysty zańsyz áreketterge baılanysty oqıǵanyń beınejazbasy tarady. Polıtsııa qyzmetkerlerimen oqıǵa qatysýshylarynyń jeke basy anyqtalyp, kólik quraly tabyldy. Eki kúdikti ustalyp, qamaýǵa alyndy. Qazirgi tańda oqıǵa boıynsha qajetti protsessýaldyq jumystar júrgizilip, oqıǵanyń barlyq mán-jaıy anyqtalyp jatyr. Azamattardy tek resmı aqparatqa senýge shaqyramyz, - delingen vedomstva aqparatynda. 

Aıta keteıik, budan buryn Shymkentte qarsy jolaqqa shyǵyp, joldy japqandar jaýapqa tartylǵanyn jazǵan bolatynbyz.