Shymkentte Abaı aýdany ákimdiginiń ǵımaraty órtendi

ShYMKENT. KAZINFORM - Shymkent qalasynda Abaı aýdany ákimdigi ornalasqan ákimshilik ǵımaratta túnde órt shyqty.

Qalalyq tótenshe jaǵdaılar departamentiniń málimetinshe, 112 qyzmetine ál-Farabı aýdany, Táýke han dańǵyly №3 mekenjaıynda órt bolyp jatqany týraly habarlama túsken. Órtti sóndirýge Shymkent qalasy tótenshe jaǵdaılar departamentiniń 21 tehnıkasy men 88 qyzmetkeri, apattar medıtsınasy ortalyǵynan 1 tehnıka jáne 3 maman, jergilikti atqarýshy organdardan 2 tehnıka jáne 2 qyzmetker jumyldyryldy.

- Jalpy 1 200 sharshy metr shatyr aýmaǵy otqa oranǵan. Órt saǵat 04:58-de oqshaýlanyp, 05:27-de tolyq sóndirildi. Qaza bolǵandar men zardap shekkender joq. Órttiń shyǵý sebebi anyqtalyp jatyr, - dedi Shymkent qalasy TJD bastyǵynyń orynbasary azamattyq qorǵaý polkovnıgi Bekzat Qambarov. 

Oqıǵaǵa qatysty áleýmettik jelilerde taraǵan «M.Áýezov atyndaǵy Ońtústik Qazaqstan ýnıversıtetiniń ǵımaraty órtendi» degen aqparatty oqý ornynyń baspasóz qyzmeti joqqa shyǵardy. Resmı málimetke sáıkes, ýnıversıtet qalypty jaǵdaıda jumys istep tur.

Aıta keteıik, budan buryn ShQO-da órt qaýipsizdigi erejelerin buzýdyń 2 myńnan asa deregi tirkelgenin jazǵan bolatynbyz.