Shymkentte Abaı álemine arnalǵan merekelik kontsert ótti

Shymkent qalasynyń óner ujymdary men tanymal oryndaýshylary qala turǵyndary men qonaqtaryna Abaıdyń halyq súıip tyńdaıtyn mýzykalyq týyndylaryn shyrqap, arnaıy daıyndalǵan kontserttik baǵdarlama usyndy.

Іs-sharanyń maqsaty — hakimniń shyǵarmashylyǵyn keńinen nasıhattaý, kórkem ádebıetti, poezııany, ánderin súıip tyńdaıtyn qala turǵyndarynyń rýhanı tanymyn keńeıtý, teatr qundylyqtaryn kórsete otyryp kórermender qataryn arttyrý.

Kesh barysynda qazaqtyń uly aqyny, oıshyly Abaı Qunanbaıulynyń shyǵarmashylyǵynan ánder oryndaldy.

Atap aıtqanda, Shymkent qalalyq J.Shanın atyndaǵy qazaq darama teatrynyń ártisteri «Abaı aýyly» prologyn kórkem túrde kórsetip, «Shymkent kontsert» kontserttik uıymy jáne Shymkent qalalyq opera jáne balet teatrynyń ánshileriniń oryndaýynda L.Hamıdı, A.Jubanovtyń «Abaı» operasynan «Toıbastar», Hor ártisteriniń oryndaýynda «Qarlyǵash» jáne Abaıdyń «Aıttym sálem Qalamqas», «Jelsiz túnde jaryq aı», «Kózimniń qarasy» t. b. ánderi shyrqaldy.

Іs-sharada qala turǵyndar men qonaqtary hakimniń qara sózderi men poezııasynan qýat alyp, keremet áserge bólendi. 

Abaı murasy — óshpes qazyna. Búgin shaharda uly aqyn, oıshyl, Abaı Qunanbaıulynyń baı rýhanı murasyn dáripteýge baǵyttalǵan birqatar is-sharalar ótkizilip, mereke keń kólemde atalyp ótti.