Shymkentte 8-synyp oqýshysy ózine qol saldy

ShYMKENT. KAZINFORM – Qaıǵyly jaǵdaıǵa baılanysty quzyrly organ ókilderi tekserý jumystaryn júrgizip jatyr. 

Shymkentte Ó.Joldasbekov atyndaǵy №9 IT lıtseıiniń 8-synyp oqýshysy óz-ózine qol jumsap, kóz jumdy. Oqıǵa 6 sáýir kúni saǵat 17:21 shamasynda bolǵan. Jasóspirimdi týystary úıinen tapqan.

Qalalyq bilim basqarmasynyń habarlaýynsha, jedel járdem qyzmeti shaqyrylǵanymen, kelgen kezde jasóspirimde ómirlik belgiler bolmaǵan. Marqum oqýshy medıtsınalyq esepte tirkeýde turmaǵan.

Atalǵan derek boıynsha Shymkent qalasy polıtsııa departamenti qylmystyq is qozǵalyp, tergeý amaldary bastalǵanyn málimdedi.

– Oqıǵanyń barlyq mán-jaıyn anyqtaýǵa baǵyttalǵan keshendi tergeý áreketteri júrgizilip jatyr, - delingen vedomstvo málimetinde.

Buǵan deıin qalalyq bilim basqarmasy Shymkentte 2025 jyly otbasylyq janjaldarǵa baılanysty 11 oqýshynyń óz-ózine qol jumsaý deregi tirkelgenin habarlaǵan edi.