Shymkentte 700-den astam adam kóshi-qon zańyn buzǵan
ShYMKENT. KAZINFORM — Shymkentte reıdtik is-shara barysynda 100-den astam shetel azamaty men azamattyǵy joq tulǵa el aýmaǵynan shyǵaryldy.
Shymkent qalasynda kóshi-qon salasyndaǵy quqyq buzýshylyqtardy anyqtaý jáne aldyn alý maqsatynda aýqymdy reıdtik-profılaktıkalyq is-shara qorytyndylandy.
Qalalyq polıtsııa departamentiniń málimetinshe, úsh kún ishinde shaharda kóshi-qon zańyn buzýdyń 710 deregi anyqtaldy.
— Quqyq buzýshylardyń qatarynda shetel azamattary da, qazaqstandyqtar da bar. Olardyń barlyǵy zańǵa sáıkes ákimshilik jaýapkershilikke tartyldy, — dep málimdedi vedomstvo.
Sondaı-aq reıd kezinde elimizde bolý qaǵıdalaryn saqtamaǵan 276 shetel azamaty qabyldaý-taratý ornyna ornalastyryldy.
— Sot sheshimimen 103 shetel azamaty men azamattyǵy joq tulǵa el aýmaǵynan shyǵaryldy. Bul is-sharalar qoǵamdyq tártipti qamtamasyz etýge, kóshi-qon zańnamasyn saqtaý men qoǵamdyq qaýipsizdikti nyǵaıtýǵa baǵyttalǵan, — delingen polıtsııa taratqan aqparatta.
Budan buryn Qyrǵyzstan azamattarynyń Qazaqstanda bolý erejesi qaıta qaralýy múmkin ekenin jazǵan edik.