Shymkentte 70 otbasyǵa páter kilti tabystaldy

ShYMKENT. KAZINFORM — Shymkenttiń turǵyn úı qory memlekettik qoldaýǵa muqtaj azamattarǵa arnalǵan jańa páterlermen tolyqty. «Qyzgaldaq saraiy» ortalyǵynda qala ákimi Ǵabıt Syzdyqbekov 70 otbasyǵa páter kiltterin tabystady.

Baspana
Foto: Shymkent qalasy ákiminiń baspasóz qyzmeti

Bul úıler Asar-2, Bozaryq, Turan shaǵynaýdandary men 189-oramda ornalasqan.

Aıta keteıik, barlyq páter keıinnen satyp alý quqyǵymen jalǵa berildi. Bul format azamattarǵa páterde turyp, belgilengen sharttarǵa sáıkes ony keıinnen óz menshigine satyp alýǵa múmkindik beredi.

baspana
Foto: Shymkent qalasy ákiminiń baspasóz qyzmeti

Páterler múgedektigi bar azamattarǵa, erekshe balalardy tárbıelep otyrǵan otbasylarǵa, kóp balaly jáne tolyq emes otbasylarǵa, jalǵyzbasty analarǵa, Uly Otan soǵysynyń ardagerlerine teńestirilgen tulǵalarǵa, jetim jáne ata-anasynyń qamqorlyǵynsyz qalǵan balalarǵa, sondaı-aq, memlekettik qyzmetshilerge úlestirildi.

baspana
Foto: Shymkent qalasy ákiminiń baspasóz qyzmeti

Aıta keteıik, Shymkentte turǵyndardyń baspanaly bolý múmkindikterin keńeıtý maqsatynda memlekettik qoldaýdyń túrli tetikteri qoldanylýda. Keıinnen satyp alý quqyǵymen beriletin jaldamaly páterler — osyndaı qoldaý túrleriniń biri. Bul ádis otbasylarǵa baspana jaǵdaıyn jaqsartýǵa jáne bolashaqta jeke menshigine alýǵa múmkindik beredi.

Shymkentte bul baǵyttaǵy jumys turǵyn úı kezeginde turǵan azamattardyń qajettilikteri men memleket tarapynan kózdelgen qoldaý tetikterin eskere otyryp júrgiziledi.