Shymkentte 7 jastaǵy balanyń ólimine baılanysty aýdan ákimi qyzmetinen bosatyldy

ShYMKENT. KAZINFORM – Sondaı-aq, taǵy eki sheneýnikke sógis berildi.

Qaıǵyly oqıǵa Shymkent qalasyndaǵy Turan shaǵyn aýdanynda boldy. Keshkisin dalaǵa oınaýǵa shyqqan birinshi synyp oqýshysy Aıdyn Sáýirbaı úıine qaıta oralmaǵan.

Іzdestirý jumystary barysynda jetkinshektiń denesi ishi sýǵa tola shuńqyrdan tabyldy.

— Qyzmettik tekserý qorytyndysy boıynsha qala ákimi kadrlyq sheshimder qabyldady. Aýdan basshysy qyzmetinen bosatyldy. Energetıka jáne ınfraqurylymdy damytý basqarmasynyń basshysyna qatań sógis berildi, osy salany qadaǵalaıtyn qala ákiminiń orynbasaryna sógis jarııalandy, - dep habarlady qala ákimdiginiń resmı ókili Sársen Quranbek.

Káriz qubyryn jóndeý úshin qazylǵan shuńqyr byltyrdan beri ashyq kúıinde jatqan. Jumys barysynda salǵyrttyqqa jol bergen merdiger mekemeler de jaýapkershilikke tartylatyn bolady.

Aıta keteıik, keshe Shymkentte shuńqyrdan 7 jastaǵy balanyń denesi tabylǵanyn jazǵan bolatynbyz.