Shymkentte 7 myńnan astam abonent gazsyz qaldy

ShYMKENT. KAZINFORM-Shymkent turǵyndary jol-kólik oqıǵasyna baılanysty gazsyz otyr. 

Oqıǵa Abaı dańǵyly men Asqarov kóshesiniń qıylysynda boldy. Aldyn ala málimet boıynsha, Mercedes avtokóligi joǵary qysymdy jerústi gaz qubyryna soǵylǵan.

— Avarııalyq brıgada Sh. Qaldaıaqov kóshesindegi qubyrdy jabý arqyly aqaýdy oqshaýlady. Oqıǵa ornynda «QazaqGazAimaq» AQ mamandary jumys istep jatyr, qalpyna keltirý sharalary júrgizilýde, — dedi mamandar.

Dıspetcherlik qyzmettiń derekterine sáıkes, 7000 jýyq abonent apat saldarynan gazsyz qaldy.
Oqıǵanyń mán-jaıyn anyqtaý úshin Abaı aýdandyq polıtsııa basqarmasynyń qyzmetkerleri tartyldy.

Aıta keteıik, budan buryn Shymkenttegi «Keń baba» saıabaǵy túpkilikti memleket menshigine ótkenin jazǵan bolatynbyz.