Shymkentte 64 mln teńge jymqyrǵan mektep býhgalteri 8 jyl túrmede otyrady

ShYMKENT. KAZINFORM — Shymkent qalasynyń qylmystyq ister jónindegi aýdanaralyq sotynda asa iri kólemde qarjy jymqyrǵan esepshiniń isi qaraldy. 

Sottalýshy QK-niń 189-baby 4-bóliginiń 2-tarmaǵymen aıyptalǵan.

Ol Shymkent qalasyndaǵy jalpy orta bilim beretin mektebiniń bas esepshisi laýazymyn atqaryp júrip, 2021-2023 jyldar aralyǵynda belgilengen eńbekaqy somasynan artyq mólsherdegi qarajatty óziniń shotyna aýdaryp otyrǵan.

Osylaısha K. ózine senip tapsyrylǵan 64 295 513 teńge, ıaǵnı asa iri mólsherde memleket aqshasyn jymqyrǵan. Qazirgi tańda kelgen shyǵyn ótelmegen.

Sottalýshynyń kinási óz jaýabymen, jábirlenýshi ókiliniń jaýaptarymen, zattaı dáleldemelermen jáne is boıynsha jınaqtalǵan ózge de aıǵaqtar jıyntyǵymen tolyq dáleldendi.

Prokýror K-ǵa 7 jylǵa bas bostandyǵyn aıyrý jazasyn taǵaıyndaýdy surady.

Jábirlenýshiniń ókili jaza taǵaıyndaý máselesin sottyń qaraýyna qaldyrdy.

K. kinásin tolyq moıyndap jeńil jaza taǵaıyndaýdy, QK-niń 63-babyn qoldanyp shartty jaza berýdi surady.

Sot K-ny QK-niń 189-baby 4-bóliginiń 2-tarmaǵymen ómir boıyna memlekettik qyzmet atqarý quqyǵynan aıyra otyryp, 8 jylǵa sottady.

Іs boıynsha berilgen talap aryz tolyq qanaǵattandyryldy.

Sot úkimi zańdy kúshine enbegen.