Shymkentte 600-den astam polıtseı qoǵamdyq kóliktegi qaýipsizdikti qadaǵalap júr
Shymkentte qoǵamdyq kólikte temeki shekken 6 adam jaýapqa tartyldy, dep habarlaıdy Kazinform.
Qoǵamdyq kóliktegi oqys oqıǵalar men quqyqqa qarsy áreketterdiń aldyn alý maqsatynda ІІM-niń nusqaýymen respýblıka kóleminde «Tasymaldaýshy» jedel-profılaktıkalyq is-sharasy ótip jatyr.
Atalǵan sharanyń bir kúninde shymkenttik polıtseıler qoǵamdyq kólikte zań buzýshylyqqa jol bergen 13 jaıtty anyqtady. Onyń ishinde, qoǵamdyq oryndarda alkogoldik ishimdik ishken nemese masań kúıde júrgen 6 jolaýshy, tyıym salynǵan oryndarda temeki shekken 6 adam jáne qoǵamdyq oryndarda tıiskeni úshin 1 adam ákimshilik jaýapkershilikke tartyldy.
«Profılaktıkalyq jumysqa 600-den astam tártip saqshysy jumyldyrylyp otyr. Qoǵamdyq kólik ishindegi tártip pen zańdylyqty saqtaý jáne júrgizýshiler men jolaýshylardyń qaýipsizdigin qamtamasyz etýge baǵyttalǵan shara 15 qańtarǵa deıin jalǵasady. Osyǵan baılanysty avtobýs ishinde qandaı da zań buzýshylyqtyń qurbany nemese kýási bolsańyz, birden «102» arnasyna habarlaýǵa shaqyramyz», - delingen Shymkent qalasy Polıtsııa departamentiniń baspasóz qyzmeti taratqan aqparatta.
