Shymkentte 500-den astam avtokólik aıyp turaǵyna qoıyldy
ShYMKENT. KAZINFORM – Shymkentte bir aptada 7 myńnan astam quqyq buzýshylyq tirkeldi.
Shymkent qalasynda «Qaýipsiz jol» jedel-profılaktıkalyq is-sharasy ótip jatyr.
Tártipti qatańdatý maqsatynda eldiń ózge óńirlerinen qosymsha patrýldik polıtsııa kúshteri tartylǵan edi.
Polıtsııanyń málimetinshe, reıdtik is-sharanyń alǵashqy jeti kúninde 7730 quqyq buzýshylyq anyqtaldy.
– Reıd barysynda 565 avtokólik arnaıy turaqqa qoıyldy. Anyqtalǵan derekterdiń qatarynda mas kúıinde kólik júrgizý, avarııalyq jaǵdaı týyndatý, qarsy jolaqqa shyǵý, memlekettik nómirsiz kólikti paıdalaný, jalǵan nómir taǵý, júrgizýshi kýáliginen aıyrylǵan tulǵalardyń kólik basqarýy jáne basqa da quqyq buzýshylyqtar bar, – delingen resmı habarlamada.
Sondaı-aq polıtsııa ókilderi reıd barysynda negizgi nazar tek alǵashqy medıtsınalyq qobdısha sııaqty qosymsha jabdyqtardy tekserýge baǵyttalady degen aqparattyń shyndyqqa janaspaıtynyn atap ótti.
– Mundaı quraldardyń bolýy, eń aldymen, júrgizýshilerdiń óz qaýipsizdigi úshin qajet.
Basty maqsat – qaıǵyly jaǵdaılarǵa alyp kelýi múmkin quqyq buzýshylyqtardyń aldyn alý jáne joldardaǵy qaýipsizdikti qamtamasyz etý, – dep málimdedi vedomstvo.
Budan buryn Shymkentke 3 óńirdiń polıtsııa qyzmetkerleri kelgenin jazǵan edik.
