Shymkentte 4,8 mlrd dollarlyq ınvestıtsııalyq kelisimder jasaldy
ASTANA. KAZINFORM- Qazaqstan Premer-mınıstri Oljas Bektenov Shymkentte ótken IX Kazakhstan Global Investment Roundtable (KGIR-2026) is-sharasyna qatysty. Іs-shara aıasynda jalpy quny 4,8 mlrd dollar bolatyn qujattarǵa qol qoıyldy, dep habarlaıdy Úkimettiń baspasóz qyzmeti.
Bıylǵy ınvestıtsııalyq dóńgelek ústeldiń Shymkentte ótýi Eýrazııanyń negizgi saýda aǵyndary men Batys Eýropa – Batys Qytaı halyqaralyq kólik dáliziniń toǵysynda ornalasqan megapolıstiń qarqyndy damýyn kórsetedi.
Plenarlyq otyrys bastalar aldynda Oljas Bektenov sheteldik seriktestermen birlesip júzege asyrylyp jatqan óńdeý ónerkásibi, agroónerkásiptik keshen, energetıka jáne basqa da salalardaǵy birqatar jobamen tanysty. Olardyń qatarynda Jambyl oblysyndaǵy Masdar jel elektr stansasynyń qurylysy, Qaraǵandy jáne Túrkistan oblystaryndaǵy China Energy kompanııasynyń jańartylatyn energııa kózderi salasyndaǵy jobalary, Almaty oblysyndaǵy Carlsberg Group kompanııasynyń alkogolsiz sýsyndar óndiretin zaýyty jáne Alatau City jobalary bar. Sondaı-aq Shymkenttegi Alsera jylyjaı kesheni men QazAlPack zaýytynyń qurylysyna erekshe nazar aýdaryldy.
KGIR-2026 alańyna syndarly dıalog ornatý maqsatynda 40-tan astam elden kelgen 500-den astam ınvestor men bıznes ókili jınaldy.
«Turaqtylyqtan ósimge: Qazaqstannyń jańa ınvestıtsııalyq tsıkli» taqyrybyndaǵy plenarlyq otyrysty ashqan Premer-mınıstr iskerlik qoǵamdastyq ókilderine Prezıdent Qasym-Jomart Toqaevtyń tapsyrmasyna sáıkes qalyptastyrylyp, belsendi damyp kele jatqan keń aýqymdy ınvestıtsııalyq múmkindikter týraly málimet berdi.
-Biz halyqaralyq iskerlik qoǵamdastyqpen, onyń ishinde búgingi Dóńgelek ústel aıasynda tikeleı dıalog ornatýǵa erekshe mán beremiz. Byltyr elimizdiń jalpy ishki ónimi 6,5%-ǵa ósip, 300 mlrd dollardan asty. Halyqaralyq valıýta qorynyń boljamyna sáıkes, bıyl bul kórsetkish 300 mlrd dollarǵa jetedi. Táýelsizdik jyldarynda Qazaqstanǵa jarty trln dollarǵa jýyq tikeleı sheteldik ınvestıtsııa tartylsa, tek sońǵy 5 jyldyń ózinde bul kórsetkish 100 mlrd dollardan asty. Biz úshin ozyq tehnologııalardy engizý, jańa óndiristerdi qurý jáne shıkizatty tereń óńdeý arqyly ekonomıkany sapaly jańǵyrtý – asa mańyzdy mindet. Dál osy strategııalyq basymdyqtar 2030 jylǵa deıingi jańartylǵan Investıtsııalyq saıasat tujyrymdamasynda kórinis tapqan. Qazaqstan uzaqmerzimdi ınvestıtsııalar úshin ashyq ári turaqty memleket bolyp qala beredi», – dep atap ótti Oljas Bektenov.
Sondaı-aq Premer-mınıstr ınvestorlardy Ekibastuz qalasynda «DÓO alqabyn» qurýǵa, joǵary tehnologııaly Alatau City qalasyn salýǵa jáne ózara tıimdi yntymaqtastyqtyń jańa múmkindikterin ashatyn ózge de aýqymdy bastamalarǵa belsendi qatysýǵa shaqyrdy.
Aıtaketeıik, Qazaqstan Ortalyq Azııada sheteldik ınvestıtsııalardy eń kóp tartqan el.
