«Nazira Gold» qarjy pıramıdasynan 402 mln teńge óndirip alyndy

ASTANA. KAZINFORM – Shymkent qalasynda «Nazira Gold» qarjy pıramıdasyn qurý jáne basqarý isi boıynsha sot úkimi shyqty, dep habarlaıdy QR Qaryjylyq monıtorıng agentttiginiń baspasóz qyzmeti.

Baspasóz málimetterine qaraǵanda, tergeýdi Qarjylyq monıtrıng agentttiginiń Shymkent qalasy boıynsha departamenti júrgizdi.

Tergeý málimetterine qaraǵanda, ózin zergerlik buıymdardy satýmen aınalysatyn kompanııa retinde tanystyrǵan kúdiktiler salymshylarǵa aı saıyn salynǵan qarjynyń 20-40% kóleminde tabys ýáde etken.

Alaıda tólemder naqty tabystan emes, jańa salymshylardyń esebinen júzege asyrylyp otyrǵan. Nátıjesinde qarjy pıramıdasyna 4 myńnan astam azamat tartylǵan. Kúdiktiler salymshylardan túsken aqshany qymbat avtokólikter, jer telimderi men páterler satyp alýǵa jumsaǵan. Sot úkimimen 9 adam kináli dep tanylyp, olarǵa 5 jyldan 10 jylǵa deıin bas bostandyǵynan aıyrý jazasy taǵaıyndaldy. Sonymen qatar sot sheshimimen 402 mln teńge kólemindegi qarajat, 52 avtokólik, jeke turǵyn úı, elıtalyq turǵyn úı keshenderindegi 2 páter, sondaı-aq 17 keli zergerlik buıym memleket paıdasyna tárkilendi.

Úkim zańdy kúshine engen joq.

Osyǵan deıin Kókshetaýda 136 mıllıon teńge jınaǵan qarjy pıramıdasy áshkere bolǵany týraly jazdyq.