Shymkentte 4 myńǵa jýyq naýqas memleket bergen tegin dárimen qamtamasyz etilmegen

ASTANA. KAZINFORM - Shymkent qalalyq prokýratýra medıtsınalyq uıymdardyń tegin dári-dármekpen qamtamasyz etý zańdylyǵyn tekserdi.

Tekserý barysynda 12 qalalyq emhanada dıspanserlik esepte turǵan 4 myńǵa jýyq naýqas memleket kepildik bergen tegin dári-dármekpen qamtamasyz etilmegeni anyqtaldy.

«Qadaǵalaý aktisi negizinde 3915 naýqasqa dári-dármek berildi, 12 bas dáriger QR ÁQBtK-niń 426-babymen (Farmatsevtıkalyq qyzmettiń jáne dárilik zattar men medıtsınalyq buıymdardyń aınalysy salasynyń qaǵıdalaryn buzý) ákimshilik jaýaptylyqqa tartylyp, olardan 2 mıllıon teńgeden astam aıyppul óndirildi, 108 medıtsına qyzmetkeri tártiptik jaýaptylyqqa tartyldy», — dep jazdy baqylaýshy organnan.

Bul baǵyttaǵy jumystar jalǵasýda.