Shymkentte 30 keli esirtkini 1,5 mln teńgege satpaq bolǵandar ustaldy

ShYMKENT. KAZINFORM - Shymkent qalalyq polıtsııa departamenti 30 keli esirtkini 1,5 mln teńgege satpaq bolǵandardyń ustalǵanyn málimdedi.

Esirtki qylmysyna qarsy is-qımyl basqarmasynyń qyzmetkerleri jedel is-sharalardy ótkizý barysynda Shymkentke esirtki jetkizý arnasynyń jolyn kesti.

- Jambyl oblysynyń 58 jáne  51 jastaǵy turǵyny ustalyp, olardan 30 kelige jýyq keptirilgen marıhýana tárkilendi. Bul esirtki zattaryn olar 1,5 mıllıon teńgege satpaq bolǵan, - dep jazdy polıtsııanyń baspasóz qyzmetinen.

Qazirgi tańda osy jaıt boıynsha tergeý júrgizilýde. Kúdiktiler qamaýda.

Polıtsııa esirtkimen baılanysty kez kelgen zańsyz áreket qylmystyq jaýapkershilikke ákep soǵatynyn eskertedi.

Eske salaıyq, buǵan deıin Shymkentte jańa qosylǵan shyrsha órtenip kete jazdaǵanyn jazǵanbyz.