Shymkentte 2800-den asa adam janýarlardan zardap shekti

ShYMKENT. KAZINFORM – Jyl basynan beri Shymkentte janýarlardan 2822 adam zardap shegip, medıtsınalyq kómekke júgindi.

Qalalyq aýyl sharýashylyǵy jáne veterınarııa basqarmasynyń basshysy Talǵat Mekambaevtyń aıtýynsha, ótken jyly qalada 36 myńǵa jýyq ıt aýlansa, bıyl bul kórsetkish 47 myńǵa jetken.

– Itter turaqty túrde aýlanyp, zararsyzdandyrylyp jatyr. Zańǵa sáıkes, qazirgi tańda olardy atýǵa tyıym salynǵan, tek ustalady. Al janýarlar arasynda qutyrý aýrýy tirkelgen joq, – dedi ol.

Resmı málimetke súıensek, ıtten 1 671, mysyqtan 1 065 adam zardap shekken. Basqa janýarlardan zardap shekkender sany – 86.

Sondaı-aq qańǵybas janýarlarǵa sterılızatsııa (kastratsııa) jumystary júrgizilip, 2401 ıt pen 200 mysyq zararsyzdandyryldy. Ýaqytsha ustaý ortalyǵynan aýlanǵan ıt-mysyqtardyń 584-i zooeriktiler men ıelerine qaıtarylǵan.

Budan buryn Shymkentte turǵyndar jaǵymsyz ıiske shaǵymdanyp jatqanyn jazǵan edik.