Shymkentte 250-den astam boryshker ákimshilik qamaqqa alyndy

ShYMKENT. KAZINFORM – Qazirgi tańda Shymkentte balalaryna alıment tóleýge mindetti 13 myńnan asa adam bar. Olardyń 603-i túrli sebeppen qaryzyn tóleýden jaltaryp júr.

Qalalyq ádilet departamentiniń basshysy Aınur Isabekovanyń aıtýynsha, 2025 jyly Shymkentte balalary aldyndaǵy bereshegin ótemegen 98 adamǵa qatysty sottyń aıyptaý úkimi shyqqan.

– Eger azamat sottyń sheshimin oryndaýdan jaltarsa oǵan 5 AEK kóleminde aıyppul salynady nemese 5 kún qamaq jazasy taǵaıyndalady. Osy sharalardan keıin de alıment tóleýden jaltaratyndar bar. Ondaı adamdarǵa quqyq qorǵaý organdary aıyptaý úkimderin shyǵardy. Ótken jyly alıment sanatyndaǵy ister boıynsha 412 boryshker ákimshilik jaýapkershilikke tartyldy. Onyń ishinde 373-i boryshkerdiń ózi, 39-y olardyń jumys berýshileri. Nátıjesinde 256 boryshker qamaqqa alynyp, 156 adamǵa aıyppul salyndy, – dedi ol.

Onyń sózinshe, boryshkerlerdi jaýapkershilikke tartýmen qatar, jumyspen qamtýǵa da basymdyq berilip keledi. Osy maqsatta byltyr jergilikti atqarýshy organdardyń qoldaýymen 306 boryshker turaqty jumysqa ornalasqan.

Budan buryn Shymkentte alımentke 4,8 mln teńge bereshegi bar er adam sottalǵanyn jazǵan edik.