Shymkentte 21 jastaǵy qyzdyń ólimi: Qylmystyq isti tergeý ІІM baqylaýynda

ShYMKENT. KAZINFORM — Shymkent qalasynda qyzdy óltirý faktisi boıynsha qozǵalǵan qylmystyq isti tergeý Іshki ister mınıstrliginiń baqylaýyna alyndy, dep habarlaıdy ІІM baspasóz qyzmeti.

Shymkent qalasy polıtsııa qyzmetkerleri tarapynan ýaqtyly sharalar qabyldanbaýy múmkin degen pikirler men ýájder boıynsha qyzmettik tekserý taǵaıyndaldy.

Qazirgi ýaqytta kúdikti sot sanktsııasymen qamaýǵa alyndy. Eń tájirıbeli qyzmetkerler qatarynan arnaıy tergeý-jedel toby quryldy.

— Qylmystyq is aıasynda júrgizilip jatqan tergeý nátıjeleri boıynsha kúdiktiniń barlyq áreketine quqyqtyq baǵa beriledi. Jedel-tergeý is-sharalar kesheni jalǵasyp jatyr, onyń barysynda barlyq málimet, sonyń ishinde beınebaqylaý kameralarynan alynǵan jazbalar muqııat tekserilip, taldanady. Іshki ister mınıstrligi kez kelgen qatygezdik kórinisterine tosqaýyl qoıyp, kináli adam tıisti jazasyn alýy úshin zańda kózdelgen barlyq sharany qabyldaıdy, — delingen habarlamada.

Eske salsaq, 11 qańtar kúni Shymkentte kópqabatty úıdiń mańynan 21 jastaǵy qyzdyń máıiti tabyldy. Keıinnen 21 jastaǵy Nuraı Serikbaıdy pyshaqtap óltirgen adam izdestirilip jatqany belgili boldy.

13 qańtarda jedel-izdestirý is-sharalary barysynda kúdikti er adam ustaldy. Qazir 28 jastaǵy Shymkent qalasynyń turǵyny ýaqytsha ustaý ızolıatoryna qamaldy. Aldyn ala málimetke sáıkes, kúdikti marqummen buryn tanys bolǵan.

Marqumnyń týǵan-týystary qaıǵyly oqıǵanyń aldyn alýǵa múmkindik bolǵanyn málimdedi. Olardyń aıtýynsha, marqum qýdalaý men qorqytý derekteri boıynsha birneshe ret kómek surap quqyq qorǵaý organdaryna júgingen, alaıda joldanǵan ótinishter tıisti deńgeıde qaralmaǵan.