Shymkentte 21 jastaǵy qyzdy pyshaqtap óltirgen adam izdestirilip jatyr
ShYMKENT. KAZINFORM – 11 qańtar kúni Shymkentte kópqabatty úıdiń mańynan 21 jastaǵy qyzdyń máıiti tabyldy.
Kýágerlerdiń sózinshe, qyzdyń denesinde pyshaq jaraqaty bar. Osyǵan qatysty Shymkent qalasy Polıtsııa departamenti túsinik berdi.
– Atalǵan derek boıynsha polıtsııa kisi óltirý faktisimen qylmystyq is qozǵady. Kúdiktiniń jeke basy anyqtaldy. Aldyn ala málimetke sáıkes, ol marqummen buryn tanys bolǵan. Qazirgi ýaqytta ony ustaý jáne qylmystyq jaýapkershilikke tartý maqsatynda barlyq qajetti jedel-izdestirý is-sharalary júrgizilip jatyr. Qylmystyq-protsestik kodekstiń 201-babyna sáıkes, tergeý múddesine baılanysty ózge aqparat jarııa etýge jatpaıdy, – delingen qalalyq Polıtsııa departamenti taratqan aqparatta.
Budan buryn Shymkentte úı tazalaýǵa kelgen áıeldi qorlap óltirgen jasóspirim sottalǵanyn jazǵan edik.
