Shymkentte 20 mln teńgeniń altynyn jymqyrǵan páter urylary ustaldy
ShYMKENT. KAZINFORM – Qazirgi tańda polıtsııa baǵaly buıymdardyń bóligin ıesine qaıtaryp berdi. Jedel-izdestirý is-sharalary barysynda páter urlyǵymen aınalysqan 5 er adam quryqtaldy.
QR Іshki ister mınıstrliginiń habarlaýynsha, urylar bótenniń úıine terezeden kirip, kóbine altyn buıymdardy qoldy etken. Bir aı ishinde kúdiktiler onǵa jýyq úıdi tonaǵan. Keltirilgen shyǵynnyń jalpy somasy shamamen 20 mıllıon teńgeni qurady.
– Kúdiktiler ýaqytsha ustaý ızolıatoryna qamaldy. Qylmystyń barlyq mán-jaıy men bolýy múmkin epızodtaryn anyqtaýǵa baǵyttalǵan qajetti tergeý áreketteri júrgizilip jatyr, - delingen habarlamada.
Polıtsııa azamattarǵa urlyqtyń qurbany bolmaý úshin qaýipsizdik sharalaryn qoldaný qajettigi týraly eske salady.
Osyǵan deıin Abaı oblysynda 8 jasar qyzdy zorlaǵan er adam jazasyn ómir boıy túrmede óteıtinin jazǵan edik.
