Shymkentte 2 mlrd teńgeniń ınvestıtsııalyq jobasyna qatysty ákimshilik tosqaýyldar alyndy
ShYMKENT. KAZINFORM – Shymkent qalasynyń prokýratýrasy Investorlardyń quqyqtaryn qorǵaý komıtetimen birlesip «Bozaryq» ındýstrııalyq aımaǵynda ınvestıtsııalyq jobany iske asyrýǵa kedergi keltirgen ákimshilik tosqaýyldardy joıdy.
BAYMEN FOOD JShS mıneraldy sý men alkogolsiz sýsyndar óndiretin zaýyt salý jobasyn júzege asyryp keledi. Jobanyń jalpy ınvestıtsııa kólemi 2 mıllıard teńgeni quraıdy, 50 jańa jumys orny ashylady.
Tekserý barysynda ınvestordyń uzaq ýaqyt boıy elektr jelilerine qosylý úshin tehnıkalyq sharttardy ala almaǵany anyqtaldy. Ótinimder talaptarǵa sáıkes bolǵanymen, ýákiletti organdar birneshe ret kelisýden bas tartqan, bul kásiporynnyń iske qosylý merzimine qaýip tóndirgen.
Prokýratýranyń bastamasymen ýákiletti organdar men ınvestordyń qatysýymen vedomstvoaralyq keńes uıymdastyrylyp, másele jedel sheshildi. Nátıjesinde ınvestorǵa qýaty 1,3 MVt elektr jelilerine qosylýǵa tehnıkalyq sharttar qysqa merzimde berildi.
Ákimshilik kedergiler joıylyp, joba josparly túrde júzege asyrylyp jatyr.
Shymkent qalasynyń prokýratýrasy ákimshilik tosqaýyldarǵa tap bolǵan ınvestorlardy +7 707 615 00 10 telefony nemese 115 Call-ortalyǵy arqyly habarlasýǵa shaqyrady.
Eske salsaq, budan buryn Qyzylordada 10 jyl boıy bıýdjet qarajatyn jymqyrǵan býhgalterge qatysty úkim shyqqanyn jazǵanbyz.
