Shymkentte 18 zańsyz qoqys úıindisi joıyldy
ASTANA. KAZINFORM — Shymkentte ekologııalyq reıd kezinde zańsyz qoqys úıindileri anyqtaldy, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
«Taza Qazaqstan» respýblıkalyq ekologııalyq bastamasy aıasynda aǵymdaǵy jyldyń naýryz–sáýir aılarynda Shymkent qalasy boıynsha Ekologııa departamentiniń mamandary aýdan ákimdikteriniń ókilderimen birlesip qala aýmaǵynda monıtorıngtik tekserý jumystaryn júrgizdi.
— Monıtorıng nátıjesinde qaldyqtardy zańsyz ornalastyrýdyń 18 oshaǵy anyqtaldy. Atalǵan másele jedel baqylaýǵa alynyp, aýdan ákimdikteri tarapynan qajetti sanıtarlyq tazartý jumystary uıymdastyryldy. Nátıjesinde anyqtalǵan barlyq zańsyz qoqys úıindileri tolyqtaı joıylyp, aýmaqtar tazartylyp, tıisti sanıtarlyq jaǵdaıǵa keltirildi, — delingen mınıstrlik taratqan aqparatta.
Vedomstvo atap ótkendeı, júrgizilip jatqan jumystar ekologııalyq jaǵdaıdy jaqsartýǵa, halyqtyń sanıtarlyq mádenıetin arttyrýǵa jáne qaldyqtardy zańsyz ornalastyrý faktileriniń qaıta oryn alýyna jol bermeýge baǵyttalǵan.
Buǵan deıin Qazaqstanda jyl basynan beri 884 zańsyz qoqys polıgony anyqtalǵanyn jazǵanbyz.
