Shymkentte 1500-ge jýyq azamat áskerge shaqyryldy

ShYMKENT. KAZINFORM- Kúzgi áskerge shaqyrý 1 qyrkúıekten 31 jeltoqsanǵa deıin jalǵasady.

Shymkentte shamamen 1500 jas jigit áskerge jiberiledi. Olar Qorǵanys mınıstrliginiń Qarýly kúshterinde, UQK Shekara qyzmetinde, Ulttyq ulanda, Memlekettik kúzet qyzmetinde jáne Tótenshe jaǵdaılar mınıstrliginde merzimdi áskerı qyzmetin óteıtin bolady.

— 2025 jylǵy kúzgi áskerge shaqyrý naýqany aıasynda Shymkentten shamamen 600 adam Qazaqstan Qarýly kúshterine, 170-ten astamy UQK Shekara qyzmetine, 20-sy Memlekettik kúzet qyzmetine, 400-den astamy Ulttyq ulanǵa jáne taǵy 20-sy TJM qurylymdaryna jiberiledi, — dep málimdedi qalalyq qorǵanys isteri jónindegi departament basshysynyń orynbasary Erlan Arynbaev.

Osy jyly áskerge shaqyrý rásimi barynsha ashyq ári qolaıly uıymdastyrylǵan. Shaqyrylýshylarǵa jeke shaqyrý qaǵazdary men SMS-habarlamalar 1414 biryńǵaı baılanys ortalyǵy arqyly jiberiledi.

Aıta keteıik, budan buryn Túrkistan oblysynan 2500-ge jýyq azamat kúzgi áskerge attanatyndyǵyn jazǵan bolatynbyz.